TVB「男神厨房」第一集叫我上去,我咩都冇听就拒绝咗,原因係我坚唔识煮嘢食!隔咗一星期,导演今次打比我,倾唔够10分钟,我即刻应承返。

我唔係要人凼先做… 而係我同自己讲,我要离开自己嘅comfort zone!

就算想当年我做过TVB「美女厨房」同雅典/北京奥运,都已经係N年前嘅事。今年节目「开心大综艺」叫我做直播主持,同其他专业嘅阿哥阿姐级金牌司仪一齐做,以前嘅我一定say no… 叫我去东京做奥运揸咪追星做访问?唔好喇挂,其实我平时都係俾人扑咪访问我,不如算啦唔做喇。

人越来越大,其实自己个comfort zone 亦跟住扩大,更加怕呢样嗰样… 我就係发现咁落去唔掂,要改变下。维珍航空创办人Richard Branson 其中之一嘅金句:

“If somebody offers you an amazing opportunity and you are not sure if you can do it. Say YES. Then learn how to do it later.”

无错,你有心,咪去学点做啰。请你嗰个都唔惊,你惊咩啊?你say no,咪即係留喺个comfort zone度啰!

所以,主持我做咗,记者我做埋;但係煮饭,我真心唔识喎,我推咗,好彩,导演俾多次机会,我呢次用行动证明我要改变嘅决心,做咪做!之后,就係你哋喺电视睇到嘅画面,哈哈!临急抱佛脚,我喺屋企学咗一个星期!

好开心上咗嚟,同杰哥、嘉洛、Gordon玩得好过瘾,边个赢其实都冇所谓,只要观众entertained就得喇!今晚见!

以上分享,共勉之。一齐加油!

#itswonderfonglife##男神厨房#

更多香港明星动态

全站最新消息

d